Mbledhja vjetore e AFPRA-s main image

Mbledhja vjetore e AFPRA-s

Disa ditë me parë u mbajt mbledhja vjetore e shoqatës AFPRA ku pas një vendimi unanim u vendos pranimi i 6 propozimeve për anëtarësime të reja si dhe u miratuan disa prej projektideve të propozuara, ku ndër të tjera veçojmë krijimin e skuadrave të ndryshme AFPRA të cilat sipas fushave do të jenë:

Fire Protection Team

First Aid Team

Urban & Alpine SAR Team

Drone Team

Logistic Team

Animal Rescue Team

K9 Team

Në këto skuadra do të angazhohen njerëz pasionantë të cilët do të trajnohen në fushat përkatëse, me pajisjet dhe mjetet e duhura dhe do të jenë të gatshëm të japin kontributin në rastet e emergjencave të ndryshme.

Së shpejti do të publikohen detajet specifike për secilën skuadër si dhe mënyrat e angazhimit.

Ftojmë të interesuarit që dëshirojnë të angazhohen duke krijuar grupet tyre në qytete të ndryshme të vendit të na kontaktojnë.

Akademia e Shkencave të Sigurisë-Estoni dhe “AFPRA”, fillimi i një bashkëpunimi të frytshëm ! main image

Akademia e Shkencave të Sigurisë-Estoni dhe “AFPRA”, fillimi i një bashkëpunimi të frytshëm !

Në konferencen finale të Projektit të Binjakëzimit të BE, SCESAL (https://scesa.al) ”Forcimi i Kapaciteteve dhe Efikasitetit të Akademisë së Sigurisë - Shqipëri”, midis Akademisë të Shkencave të Sigurisë Estoni dhe shoqatës AFPRA, u nënshkrua kontrata e dhurimit për një sërë pajisjesh zjarrfikëse të cilat do të përdoren për të trajnuar shërbimet e MZSH-së dhe jo vetëm në të gjithë territorin e vendit, në kuadër të memorandumit të bashkëpunimit midis AFPRA-s dhe DPMZSH-së.

Kryetari i shoqatës “AFPRA” z. Alban Laçi, i shprehu mirënjohjen rektorit të Akademisë së Shkencave të Sigurisë Estoni z.Marek Link, për dhurimin e këtyre pajisjeve si dhe dëshirën për të vazhduar bashkëpunimin midis palëve, e inicuar nga Këshilltarja rezidente e projektit SCEAL, znj Tiina Koivuniemi.

Bashkëpunim i AFPRA-s me shërbimin e MZSH-së Përmet. main image

Bashkëpunim i AFPRA-s me shërbimin e MZSH-së Përmet.

Pjesë e aktiviteteve të shoqatës AFPRA u bë sot dhe vizita në ambientet e stacionit të MZSH-së Përmet.

Drejtuesi i këtij shërbimi, z Fredi Lipe, si një nga drejtuesit më të vjetër të MZSH-së na prezantoi dinamikën e punës në këtë stacion, nevojat në rritje në logjistikë si rrjedhojë dhe e rritjes së aktiviteteve turistike në këtë zonë si dhe përballjes së përditëshme me vështirësitë në terren.

Kontributi modest i AFPRA-s në pajisje për zjarrfikësit profesionist dhe ato vullnetarë të këtij stacioni është vetëm fillimi i këtij bashkëpunimi të cilin shpresojmë ta thellojmë në të ardhmen.  

MZSH Këlcyrë dhe AFPRA si një bashkëpunim frutdhënës për të ardhmen. main image

MZSH Këlcyrë dhe AFPRA si një bashkëpunim frutdhënës për të ardhmen.

Sot AFPRA vizitoi sektorin e MZSH-së Këlcyrë i cili drejtohet nga z Rezart Serani, punonjësi i palodhur i këtij shërbimi dhe stafi i tij.

Shoqata u njoh nga afër me punën dhe përpjekjet e këtij shërbimi, sfidat dhe nevojat për ti shërbyer sa me mire komunitetit, ngritjen e shërbimit vullnetar.

Si gjithmonë këtij stacioni ju dhurua një ndihmë modeste në pajisje për zjarrfikësit profesionistë dhe ato vullnetarë të mundësuar në bashkëpunim me miqtë tanë austriakë të VAFFFFA-s. 

Shoqata AFPRA, vizitë në stacionin e MZSH-së Tepelenë ! main image

Shoqata AFPRA, vizitë në stacionin e MZSH-së Tepelenë !

Këtë fundjavë pjesë e aktiviteteve të AFPRA-s u bë shërbimi MZSH-së i bashkisë Tepelenë i cili drejtohet nga z Velo Abazi.

Gjatë kësaj vizite, AFPRA pa nga afër nevojat e këtij shërbimi, përpjekjet punonjësve për të ruajtur gatishmërinë e teknikës si dhe sfidat me të cilat ato përballen.

Në përpjekjen e tyre në ndihmë të komunitetit, shoqata AFPRA kontriboi me një sasi modeste pajisjesh për shërbimin profesionist dhe atë vullnetar me synimin që në të ardhmen logjistika e këtij shërbimi ti përgjigjet sa më mirë nevojës në komunitet.